दीपेन्द्र प्रजापति/कालो झोला ।
बीरगंज, ०२ असोज । जिल्ला प्रहरी कार्यालय, पर्सा तथा ईलाका प्रहरी कार्यालय, छपकैया बाट खटिएको संयुक्त टोली ले मंगलबार प्रतिवन्धित लागु औषध चरेश सहित एक जना भारतीय साधुलाई आफ्नो नियन्त्रणमा लिएको छ ।
हिजो बिहान करिब ०९:१५ बजेको समयमा वीरगञ्ज महानगरपालिका वडा नं. ०२, डम्पिङ साइड तर्फ लागु औषध खरिद बिक्री कारोवार भैरहेको छ, भन्ने बिशेष सुचनाको अधारमा दुवै कार्यालय बाट खटिएको संयुक्त प्रहरी टोलीले सो स्थानमा पुगी एक जना संकाष्पद व्यक्तिलाई कानूनी रीतपुर्याई खानतलासी गर्दा भारतको आगरा उत्तर प्रदेश, कुडोल फतेहावाद बस्ने वर्ष ४२ को गोपाल गिरीले बोकेको प्लाष्टिकको झोलामा लुकाइ छिपाइ राखेको लागु औषध चरेश जस्तो देखिने पदार्थ २ के. जी. ९ सय ६० ग्राम फेला परेको हुँदा निजलाई नियन्त्रणमा लिइ यस कार्यालयमा ल्याई निज विरूद्ध लागु औषध सम्बन्धी कसूरमा थप अनुसन्धान कार्य भैरहेको कुरा आज सूचना अधिकारी प्रहरी नायब उपरीक्षक दीपक भारति ले बताएका छन् ।
