दीपेन्द्र प्रजापति/कालो झोला ।
वीरगंज, १८ फागुन । वीरगंज महानगरपालिका वडा नं. ३१, वेल्वामा व्यक्तिले कब्जा गरेको दुई विघा सार्वजनिक जग्गा महानगरपालिकाले आफ्नो अधिनमा ल्याएको छ ।
महानगरको अतिक्रमण नियन्त्रण समितिले आइतबार नापजाँच गरेर अतिक्रमित जग्गा आफ्नो अधिनमा ल्याएको हो । उच्च अदालत वीरगंजमा परेको रिटमा महानगरको पक्षमा फैसला आए सँगै व्यक्तिले कब्जा गरि दुरुपयोग गरेको सार्वजनिक जग्गा आफ्नो अधिनमा ल्याउने बाटो खुलेको हो ।
सार्वजनिक जग्गा व्यक्तिगत प्रयोजनमा प्रयोग हुनु हुँदैन भन्दै स्थानीय हसमुदिन अंसारीले नैमुद्दिन अंसारी र बसरुद्दिन अंसारी विरुद्ध जाहेरी दिएका थिए । अदालतका न्यायाधीश द्वय मोहन राज भट्टराई र हरि प्रसाद पौडेलको संयुक्त इजलासले सार्वजनिक जग्गा कसैको कब्जामा हुन नहुने भन्दै सार्बजनिक प्रयोजनमा ल्याउन आदेश दिएका थिए ।
सोही बमोजिम महानगरपालिकाले आइतबार सर्वेक्षक सहितको टोली लगेर सार्बजनिक जग्गा छुट्याउँदै व्यक्तिको कब्जा बाट मुक्त गराएको हो । महानर प्रमुख राजेशमान सिंहले सार्वजनिक जग्गा व्यक्तिगत प्रयोजनमा दुरुपयोग हुन नदिने अभियान नै चलाउनु भएको छ ।
महानगर प्रमुखका सचिवालय सल्लाहकार हरि पोखरेलको नेतृत्वमा गएको टोलीले नाप नक्सा गरि किला खुट्टा गाडेर ब्यक्तिको कब्जा बाट मुक्त गराएको वडा नं. ३१ का वडाध्यक्ष जितेन्द्र प्रसाद यादबले जानकारी दिनुभयो ।
%20सफलतापूर्वक%20सम्पन्न-){kind=link}
