मुनामदन सिलवाल
काठमाडौँ, ६ जेठ । श्रीशक्ति महिला समूहको आयोजनामा रक्तदान कार्यक्रममा सम्पन्न भएको छ । गत शनिवार पाशुपत क्षेत्र परिसरमा आयोजिक रक्तदान कार्यक्रममा समूहका पदाधिकारीदेखि लिएर पशुपति क्षेत्रमा आउने धार्मिक तथा सर्वसाधारणले समेत रहेको महत्व बुझी रक्तदान गरेका थिए ।
श्री शक्ति महिला समूहको पहलमा धार्मिक, चेतनामूलक कार्यक्रमदेखि लिएर स्वास्थ्य कार्यक्रमहरु समेत सञ्चालन गर्दै आइएको श्री शक्ति महिला समूहकी अध्यक्ष सीतादेवी खड्का श्रेष्ठले बताउनुभयो । हामीले रक्तको महत्वलाई बुझेर बेलाबेलामा रक्तदान कार्यक्रमहरु आयोजना गर्ने गरेका छौँ समूहका सदस्यदेखि लिएर विभिन्न संघसंस्थाका प्रतिनिधि तथा सर्वसाधारण स्वतःस्फूर्त रुपमा रक्तदान कार्यक्रममा सहभागि भएका थिए । रक्तदान दिनेहरूका लागि फलफुल जुश र प्रमाणपत्र समेत प्रदान गरिएको थियो ।
