दीपेन्द्र प्रजापति/कालो झोला ।
बीरगंज, १९ भदौ । सशस्त्र प्रहरी बल नेपाल प्रस्तावित सीमा सुरक्षा गुल्म, बीरगंज ले बुधबार लाखौं मूल्य बराबरको विभिन्न किसिमका सामानहरु बरामद गरेको छ ।
बुधबार त्यहाँ बाट खटिएको टोलिले वीरगंज महानगरपालिका वडा नं. १६, ईनर्वा स्थित भारत बाट नेपाल प्रवेश गर्ने विभिन्न सीमा नाकाहरु बाट अबैध रुपमा भन्सार छलि बिभिन्न सार्वजनिक सवारी साधनहरुमा लोड गरी तथा स्वयम् व्यक्तिले पैदल बोकेर नेपालतर्फ ल्याउदै गरेको मुल्य रु. १० लाख ५६ हजार ३ सय ३० बराबरको किराना सामान, कपडा, जुत्ता, मोवाईल पार्टस र कम्प्युटर पार्टस बरामद गरी आवश्यक कारवाहीको लागि वीरगंज भन्सार कार्यालय, पर्सामा बुझाएको छ ।
यसै गरी आजकै मितिमा सशस्त्र प्रहरी बल नेपाल बि.ओ.पि. अमरपट्टी बाट खटिएको टोलिले विन्दवासिनी गाउँपालिका वडा नं. ०३, छठ घाट बाट अवैध रुपमा भन्सार छलि नेपाल तर्फ ल्याउदै गरेको रु. ७६ हजार ९ सय ८० बराबरको कपडा बरामद गरि आवश्यक कारवाहीको लागि वीरगंज भन्सार कार्यालय पर्सामा बुझाईएको कुरा सशस्त्र प्रहरी बल नेपाल नं. १३ गण मुख्यालय, पर्सा का सूचना अधिकारी सशस्त्र प्रहरी नायब उपरीक्षक देबेन्द्र सिंह ले बताएका छन् ।
