राष्ट्रिय प्रजातन्त्र पार्टी (राप्रपा) का नेता कमल थापाले रास्वपाका वरिष्ठ नेता बालेन शाह र सभापति रवि लामिछानेलाई समर्थनको शर्त अगाडी सारेका छन् ।
थापले बालेनको नेतृत्वमा बन्ने सम्भावित सरकारलाई संविधान संशोधनमार्फत नेपाललाई हिन्दूराष्ट्र बनाउने प्रतिबद्धता जनाए समर्थन गर्ने शर्त अगाडी सारेका हुन् ।
उनले भनेका छन्- यदि प्रस्तावित सरकारले हिन्दूराष्ट्र पुनःस्थापना गर्ने विषयमा स्पष्ट प्रतिबद्धता जनाउँछ भने राप्रपा संसदमा संविधान संशोधनका लागि आवश्यक समर्थन दिन तयार रहनेछ ।’
नेपालमा राजसंस्था र हिन्दूराष्ट्रको पक्षमा आवाज उठाउँदै आएको राप्रपाले यस निर्वाचनमा भने लज्जास्पद प्रदर्शन गरेको छ । राप्रपाले प्रत्यक्षमा एक सिट जितेको छ भने समानुपातिकतर्फ थ्रेस होल्ड मुश्किलले कटाएर राष्ट्रिय दलको मान्यता पाएको छ ।
