दीपेन्द्र प्रजापति/कालो झोला ।
बीरगंज, २६ चैत । राष्ट्रिय स्वतन्त्र पार्टीका नेता एवं पर्सा जिल्लाको निर्वाचन क्षेत्र नं. २ का सांसद माननीय शुशिल कुमार कानुले आज बिहान करिब ७:३० बजेको समयमा वीरगञ्ज महानगरपालिका वडा नं. २६ अन्तर्गत पर्ने अठारहाँ टोल स्थित शिव मन्दिरको प्राङ्गणमा स्थानीय जनताहरुको समस्या बुझ्न तथा प्रत्यक्ष भेट्घाट कार्यक्रम सम्पन्न गरेका छन् ।
उक्त कार्यक्रममा वडा नं. २६ का स्थानीय बासिन्दाहरूको तर्फबाट माननीय ज्यूलाई हार्दिक स्वागत, अभिनन्दन तथा धन्यवाद व्यक्त गरिएको छ ।
कार्यक्रमका क्रममा स्थानीय स्तरमा रहेका प्रमुख समस्याहरू बुन्दागत रुपमा प्रस्तुत गरिएको छ । विगत ३ वर्षभन्दा बढी समय देखि करिब ५ सय बिघा कृषि भूमि डुबानमा परेको हुँदा सो अवधिको गुठी/राजस्व मिनाहा गरिनुका साथै प्रभावित किसानहरूलाई उचित क्षतिपूर्ति प्रदान गरिनु पर्ने, साथै आवश्यक समयमा मल, बिउ तथा सिँचाइको व्यवस्था (नहरहरूको पुनः सञ्चालन) सुनिश्चित गरिनु पर्ने माग राखिएको छ ।
युवाहरूका लागि ऐलानी जग्गामा खेल मैदान, पार्क, जिम तथा अध्ययनका लागि पुस्तकालय जस्ता संरचनाहरूको उचित व्यवस्था गरिनु पर्ने माग पनि गरिएको छ ।
उक्त विषयहरूमा माननीय प्रतिनिधि सभा सदस्य सुशील कुमार कानु ले गम्भीर ध्यानाकर्षण जनाउँदै यथाशीघ्र आवश्यक पहल तथा प्रभावकारी कार्यान्वयन गर्ने प्रतिबद्धता व्यक्त गर्नुभएको छ ।
यसरी नै सांसद कानुको आफ्नो निर्वाचन क्षेत्रमा तिब्रताका साथ स्थानिय जनताहरुको समस्या संकलनको कार्यलाई प्रभावकारी बनाउन घरदैलो मै पुगि अब सरकार संसद् मै सिमित नरही संसद् नै जनजनको घरधुरी मै रहेको उदाहरण प्रस्तुत गरेका छन् ।
