काठमाडौँ । नेपाल कम्युनिष्ट पार्टी (एमाले) को १०औं केन्द्रीय कमिटी बैठक आज बस्दैछ । एमाले प्रचार विभाग प्रमुख राजेन्द्र गौतमका अनुसार बैठक बिहान ११ बजे ललितपुरको जावलाखेलमा राखिएको छ ।
उनका अनुसार बैठकमा पार्टी अध्यक्ष केपी शर्मा ओलीको समसामयिक राजनीतिक घटनाक्रम समेटिएको राजनीतिक प्रतिवेदन, राजनीतिक प्रस्ताव र विविध विषयमा छलफल गर्ने कार्यसूची रहेको छ ।
बैठकमा आसन्न पार्टीको राष्ट्रिय महाधिवेशनको स्थान र मिति तोक्ने विषयमा पनि छलफल हुनेछ ।
एमालेको सचिवालय बैठकले मङ्सिरको अन्तिम साता पार्टीको महाधिवेशन गर्ने निर्णय गरिसकेको छ ।
