काठमाडौं, चैत्र शुक्ल पूर्णिमा — हनुमान जयन्तीको पावन अवसरमा पशुपति क्षेत्र अन्तर्गत गौरीघाटमा विशेष धार्मिक कार्यक्रम सम्पन्न भएको छ।
गौरी – गंगा बागमती आरती तथा रामायण भजन समाज गौरीघाट को संयुक्त आयोजनामा सम्पन्न भएको उक्त कार्यक्रममा विविध धार्मिक तथा सामाजिक गतिविधिहरू समावेश गरिएको थियो ,कार्यक्रम अन्तर्गत सर–सफाई अभियान, हनुमान पूजा–अर्चना तथा श्रद्धालु भक्तजनहरूका लागि प्रसाद वितरण गरिएको थियो। यसका साथै वातावरणीय तथा धार्मिक चेतना अभिवृद्धि गर्ने उद्देश्यले बागमती किनार सफा राख्ने सन्देश पनि दिइएको आयोजक भरत श्रेष्ठले जनाएका थिए।
साँझ ठीक ५:०० बजे सम्पन्न भएको उक्त दिव्य सन्ध्या आरतीको विशेष आयोजना गरिएको थियो, जहाँ भक्तजनहरूले सामूहिक रूपमा आरतीमा सहभागिता जनाएका थिए। कार्यक्रमले धार्मिक आस्था, सांस्कृतिक संरक्षण र सामुदायिक एकता प्रवर्द्धन गर्ने उद्येस्यका साथ आयोजकहरूले सम्पूर्ण उपस्थित भक्तजनहरूलाई स्वागत गरिएको थियो।
