अमेरिकाको न्यूयोर्कस्थित ला गार्डिया विमानस्थलमा एक विमान ट्रकसँग ठोक्किँदा धेरै यात्रु घाइते भएका छन्।
रिपोर्टका अनुसार उक्त विमान क्यानडाको मोन्ट्रियलबाट आएको थियो र अवतरण गरिसकेपछि रनवेमा रोकिने क्रममा दुर्घटना भएको हो । सो क्रममा विमान न्यूयोर्क तथा न्यू जर्सी पोर्ट प्राधिकरणको ट्रकसँग ठोक्किएको जनाइएको छ ।
दुर्घटनामा परेको विमान सानो आकारको करिब ७० देखि ९० यात्रु बोकेको बताइएको छ । स्थानीय सञ्चारमाध्यमका अनुसार घटनामा धेरै जना घाइते भएका छन् ।
दुर्घटनापछि ला गार्डिया विमानस्थल अर्को सूचना नआएसम्मका लागि बन्द गरिएको छ । अमेरिकाको संघीय उड्डयन प्रशासनले सबै उडान रोक्न आदेश जारी गरेको छ र आवश्यकता अनुसार उक्त आदेश लम्बिन सक्ने जनाएको छ ।
