काठमाडौँ । अल नासरले साउदी प्रो लिग अन्तर्गत अल अहलीमाथि महत्वपूर्ण जित हासिल गरेको छ । गएराती सम्पन्न खेलमा अल नासरले अल अहलीलाई २-० गोल अन्तरले पराजित गरेको हो ।
अल नासरको जितमा क्रिस्टियानो रोनाल्डो र किंग्सले कोम्यानले एक एक गोल गरेका थिए । रोनाल्डोको यस खेलमा गरेको गोल उनको क्यारियरको ९७०औं गोल हो । अब उनी एक हजार गोलबाट ३० गोल टाढा रहेका छन् ।
यो जितपछि अल नासर साउदी प्रो लिग जितको नजिक पुगेको छ । अल नासरको ३० खेलमा ७९ अंक रहेको छ र दोस्रो स्थानमा रहेर एक खेल कम खेलेको अल हिलाल भन्दा ८ अंकले अगाडी रहेको छ ।
