दीपेन्द्र प्रजापति/कालो झोला ।
बीरगंज, २७ माघ । जिल्ला प्रहरी कार्यालय, पर्सा ले विशेष सूचनाको आधारमा शनिबार बिहान करिब ०६:३० बजेको समयमा वीरगञ्ज महानगरपालिका वडा नं. १४ स्थित गण्डक चोक बाट करोडौं मूल्य बराबरको विभिन्न इलेक्ट्रोनिक्स सामानहरु सहित तीन वटा मालबाहक ट्रकहरुलाई आफ्नो नियन्त्रणमा लिएको छ ।
उक्त दिन बीरगंज बाट काठमाडौं तर्फ Scientific Calculator र Hair Trimmer लोड गरि जाँदै गरेको अवस्थामा बा. १ ख ९९०९, ना. ६ ख ५४९१ तथा ना. ६ ख ६३९७ नम्बरको मालबाहक ट्रकहरू लाई त्यहाँ बाट खटिएको प्रहरी टोलीले विल विजक भन्दा बढिका सामान रहेको आशंका लागि उल्लेखित नम्बरको मालबाहक ट्रकहरू नियन्त्रणमा लिइ अंदाजी मूल्य रू. १ करोड ९५ लाख ४ सय ९२ बराबरका पक्राउ गरि अनुसन्धान तथा आवश्यक कारवाहीको लागि आज राजस्व अनुसन्धान कार्यालय, पथलैया, बारामा बुझाइएको कुरा सूचना अधिकारी प्रहरी नायब उपरीक्षक किशोर लम्साल ले बताएका छन् ।
