दीपेन्द्र प्रजापति/कालो झोला ।
बीरगंज, २६ भदौ । जिल्ला प्रहरी कार्यालय, पर्सा ले विशेष सूचनाको आधारमा मंगलबार राति करिब ०८:४० बजेको समयमा बिल विजक भन्दा बढी करोडौं मूल्य बराबरको व्हीस्की र कम्प्यूटर माउस सहित दुई वटा मालवाहक ट्रकहरुलाई आफ्नो नियन्त्रणमा लिएको छ ।
उक्त राति त्यहाँ बाट खटिएको प्रहरी टोलीले वीरगञ्ज महानगरपालिका वडा नं. २५, चंडाल चौक सडक खण्डबाट लु. १ ख ७५३२ र ना. ३ ख ५४९ नम्बरको मालबाहक ट्रकहरूमा साथमा रहेको विल विजक भन्दा बढीका Whiskey र COMPUTER MOUSE लगायतका मालबस्तुहरू लोड गरी वीरगञ्ज बाट काठमाण्डौ तर्फ लैजाँदै गरेको अवस्थामा नियन्त्रणमा लिइ अंदाजी मूल्य रू. ३ करोड ९३ लाख ८८ हजार ६ सय ३१ बराबरका मालबस्तुहरू थप अनुसन्धान तथा आवश्यक कारवाहीको लागि आज राजस्व अनुसन्धान कार्यालय, पथलैया, बारामा बुझाइएको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
