दीपेन्द्र प्रजापति/कालो झोला ।
बीरगंज, २४ पौष । ईलाका प्रहरी कार्यालय, पोखरिया र अस्थायी प्रहरी चौकी, बहुअर्वा भाठ्ठा ले विशेष सुचनाको आधारमा बिहीबार बिहान करिब ०६:०० बजेको समयमा पर्सा जिल्लाको बिन्दवासिनी गाउँपालिका वडा नं. ०२, गर्दौल चोक भन्दा पुर्व पोखरिया वीरगञ्ज सडक खण्ड बाट प्रतिवन्धित लागु औषध चरेश सहित दुई जना मानिसलाई आफ्नो नियन्त्रणमा लिएको छ ।
आज एक्का बिहानै दुई जना अपरिचित व्यक्तिहरू दुई वटा कालो झोला बोकी हिड डुल गरिरहेको अवस्थामा त्यहाँ बाट खटिएको संयुक्त प्रहरी टोलीले शंका लागि चेक जाँच गर्दा दुबै जनाले बोकेको कालो झोला भित्र राखिएको पानी खाने १० लिटरको ग्यालनको बिर्को खोली हेर्दा उक्त ग्यालनको मुखमा घिउ रहेको थोरै घिउ निकाली हेर्दा उक्त घिउ मुनी लागु औषध चरेश जस्तो देखिने पदार्थ वीरगञ्ज महानगरपालिका वडा नं. १५, मुर्ली बस्ने वर्ष २० को रैयस अली को साथमा रहेको ग्यालेनमा १० किलो ६ सय ग्राम तथा पर्सा जिल्लाको पोखरिया नगरपालिका वडा नं. ०८, जगतपुर बस्ने वर्ष ५५ को मुनिलाल पटेलको साथमा रहेको ग्यालेनमा ११ किलो ४ सय ग्राम गरि जम्मा २२ किलो ग्राम प्रतिवन्धित लागु औषध चरेश जस्तो देखिने पदार्थ सहित निजहरु लाई नियन्त्रणमा लिइ थप अनुसन्धान कार्य भइरहेको कुरा जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक राजु कार्कीले बताएका छन् ।
