दीपेन्द्र प्रजापति/कालो झोला ।
बीरगंज, २३ श्रावण । प्रहरी चौकी, महुवन ले विशेष सूचनाको आधारमा मंगलबार दिउसो करिब ०१:०० बजेको समयमा पर्सा जिल्लाको सखुवाप्रसौनी गाउँ पालिका वडा नं. ०५, सोलखपुर स्थित महुवन पर्टेवासुगौली सडक खण्ड बाट ५ किलो ग्राम प्रतिवन्धित लागु औषध गाँजा सहित दुई जना मानिसलाई आफ्नो नियन्त्रणमा लिएको छ ।
उक्त दिन पर्टेवासुगौली बाट महुवन तर्फ आउदै गरेको ना. ३८ प १८२५ नम्बरको मोटरसाईकललाई त्यहाँ बाट खटिएको चेकिङ टोलीले रोकी कानूनी रीतपुर्याई खानतलासी गर्दा मोटरसाइकल चालक पर्सा जिल्लाको पर्सागढी नगरपालिका वडा नं. ०७ बस्ने बर्ष ३३ को बालेश्वर प्रसाद यादवले आफ्नै शरिरमा लुकाई छिपाई राखेको लागु औषध गाँजा २.५ के.जी. र पछाडि सवार सोही ठाउँ बस्ने बर्ष ५५ को देबेन्द्र यादवले आफ्नो शरिरमा लुकाई छिपाई राखिएको लागु औषध गाँजा २.५ के.जी. गरी जम्मा लागु औषध गाँजा ५ के.जी.फेला परेको हुँदा उल्लखित परिमाणको गाँजा र निजहरूले चलाइ ल्याएको मोटरसाईकल सहित नियन्त्रणमा लिइ इलाका प्रहरी कार्यालय पोखरिया, पर्सामा ल्याइ निजहरू विरुद्ध लागु औषध सम्बन्धी कसूरमा थप अनुसन्धान कार्य भैरहेको कुरा जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक दीपक भारति ले बुधबार बताएका छन् ।
