पूर्वपत्नी उषा खड्गीको जाहेरीको आधारमा सञ्चारकर्मी जीपी तिमल्सिना पक्राउ परेका छन् ।
खड्गीले सोमबार दिएको जाहेरीका आधारमा तिमल्सिनालाई पक्राउ गरेर जिल्ला प्रहरी परिसर भक्तपुरमा राखिएको छ ।
उनी विरुद्ध पूर्व मिस नेपाल समेत रहेकी खड्गीले अभद्र व्यवहार र कुटपिटको प्रयास गरेको आरोप लगाउदै जाहेरी दिएकी थिइन् । यसअघि प्रहरीले दुवैसँग छलफल समेत गरेको बताएको छ ।
खड्गीले सामाजिक सञ्जालमार्फत आफूलाई सुरक्षा चाहिएको र सरकारले न्याय दिनुपर्ने उल्लेख गर्दै कैयौं पोष्ट गरेकी थिइन् ।
तिमिल्सिना र खड्गीबीच २०७९ जेठ २६ मा काठमाडौं जिल्ला अदालतमा सम्बन्धविच्छेद भएको थियो । सम्बन्ध विच्छेद भएपनि अंशवण्डाको टुंगो नलागेकाले दुवै एकै घरमा तलमाथि बस्दै आएको बताइन्छ ।
