दीपेन्द्र प्रजापति/कालो झोला ।
बीरगंज, ०२ श्रावण । जिल्ला प्रहरी कार्यालय, पर्सा ले अपराधिक लाभ कसुरमा बुधबार एक जनालाई आफ्नो नियन्त्रणमा लिएको छ ।
बाल सुधार गृह, पर्सा वीरगञ्जमा विभिन्न मिति र समयमा अदालतहरूले बिभिन्न मुद्दामा कैद भुक्तानको लागि पठाइएका कैदीहरूलाई लागु औषध सम्बन्धि कसूर मुद्दाका कैदी तथा बाल सुधार गृहका चौकीदार सिराहा जिल्लाको लाहान नगरपालिका वडा नं. ०३ बस्ने वर्ष २४ को प्रमानन्द गुप्तालाई नियन्त्रणमा लिएको हो ।
गुप्ताले कैदीहरू संग आफू चौकीदारको हैसियतमा रहेको बखत कैदीहरूलाई दबाब तथा प्रभावमा पारी १० जना कैदीहरू संग रु.१० लाख १५ हजार ३ सय ७० बराबरको रकम नगद तथा E-sewa मार्फत लिएकोमा निज चौकीदार कैदी प्रमानन्द गुप्ता बुधबार उक्त बाल सुधार गृहबाट कैद भुक्तान गरी छुट्ने जानकारी भए पश्चात् पीडित कैदीहरूले बाल सुधार गृह प्रशासन तथा प्रहरीलाई जानकारी गराइ रित पूर्वक जाहेरी दरखास्त दिएका थिए ।
सूचना प्राप्त हुना साथ निज प्रमानन्द गुप्तालाई नियन्त्रणमा लिइ निज विरुद्द ठगी आपराधिक विश्वासघात तथा आपराधिक लाभ ( एक्सटर्सन ) सम्बन्धि कसूरमा तीन दिन को म्याद थप अनुमति लिइ थप अनुसन्धान कार्य भइरहेको कुरा आज सूचना अधिकारी प्रहरी नायब उपरीक्षक किशोर लम्साल ले बताएका छन् ।
