दीपेन्द्र प्रजापति/कालो झोला ।
वीरगन्ज, ०२ माघ । बिरगंज महानगरपालिका वडा नं. ०९ का वडा अध्यक्ष जवाहिर प्रसाद गुप्ता को पहलमा बुधबार ज्येष्ठ नागरिक, एकल महिला तथा अपाङ्गता भएका व्यक्तिहरूलाई कम्बल र इलेक्ट्रिक जग वितरण गरिएको छ ।
उक्त सामान वितरण कार्यक्रमको प्रमुख अतिथि बिरगंज महानगरपालिकाका उप–प्रमुख इम्तियाज आलमले कार्यक्रमलाई उद्घाटन गर्दै समाजका कमजोर तथा विशेष आवश्यकता भएका वर्गहरूको हितमा यस्ता कार्यक्रमले सकारात्मक प्रभाव पार्ने बताउनु भयो ।
वडा नं. ०९ का अध्यक्ष जवाहिर प्रसाद गुप्ताले यो कार्यक्रम समाजसेवाका लागि आफूले चालिएको एउटा सानो प्रयास भएको बताउँदै, यस्ता सहयोगका कार्यहरू आगामी दिनमा पनि निरन्तर गरिरहने प्रतिवद्धता व्यक्त गर्नु भएको छ ।वडाभित्रका विभिन्न टोलहरू बाट आएका ज्येष्ठ नागरिक, एकल महिला, तथा अपाङ्गता भएका व्यक्तिहरूले कार्यक्रम बाट प्रत्यक्ष लाभ लिएका छन् । उनीहरूले यस सहयोगका लागि वडा कार्यालय प्रति आभार पनि व्यक्त गरेका छन् ।
कार्यक्रममा विभिन्न क्षेत्रका समाजसेवी, स्थानीय जनप्रतिनिधि, तथा वडा कार्यालयका कर्मचारीहरूको पनि उपस्थिति रहेको थियो भने कार्यक्रम अत्यन्तै सकारात्मक वातावरणमा सम्पन्न भएको थियो ।यो पहलले वडा नं. ०९ मा विपन्न वर्गलाई सहयोग पुर्याउने प्रयास मात्रै नभई सामुदायिक सद्भाव र समानताको सन्देश प्रवाह गरेको कुरा उप प्रमुख का प्रेस सल्लाहकार महमद सदाब ले बताएका छन् ।
%20सफलतापूर्वक%20सम्पन्न-){kind=link}
