दीपेन्द्र प्रजापति/कालो झोला ।
बीरगंज, १८ कार्तिक । मधेस प्रदेश स्थित रहेको सशस्त्र प्रहरी बल नेपाल नं. २ छिन्नमस्ता बाहिनी मुख्यालय, बर्दिबास द्वारा आज यहाँका सिमावर्ती क्षेत्रमा निरीक्षण तथा स्थानीय प्रशासन तथा जनप्रतिनिधिहरु संग भेटघाट कार्यक्रम सम्पन्न भएको छ ।
मधेस प्रदेश का सशस्त्र प्रमुख बाहिनीपति सशस्त्र प्रहरी नायब महानिरीक्षक कृष्ण ढकाल ले यस प्रदेशका ४ वटा जिल्लाहरू सर्लाही, रौतहट, बारा र पर्साका ४ वटै प्रमुख जिल्ला अधिकारीहरु, गण तथा विभिन्न प्रस्तावित सीमा सुरक्षा गुल्म, बी. ओ. पी. लगायत सुरक्षा बेस हरुको निरीक्षण गर्नुको साथै आवश्यक निर्देशन पनि दिनु भएको छ ।
यसै गरि सीमा क्षेत्रमा रहेका विभिन्न वडा तथा गाउँ पालिका का जनप्रतिनिधिहरु लगायत संचारकर्मीहरु संग भेटघाट तथा छलफल गरि आवश्यक जानकारी समेत लिनु भएको छ ।
साथै आजै आउनु भएका जिल्ला प्रशासन कार्यालय, पर्सा का प्रमुख जिल्ला अधिकारी भोला दाहाल संग भेटघाट गरि पर्सा जिल्लाको सुरक्षा स्थिति बारे जानकारी पनि गराएका कुरा सशस्त्र प्रहरी बल नेपाल नं. १३ गण मुख्यालय, पर्सा का गणपति सशस्त्र प्रहरी उपरीक्षक पुरन चन्द भट्टले कालो झोला लाई बताएका छन् ।
