दीपेन्द्र प्रजापति/कालो झोला ।
बीरगंज, ३१ भाद्र । सशस्त्र प्रहरी बल नेपाल प्रस्तावित सीमा सुरक्षा गुल्म, बीरगंज ले सोमबार साँझ करिब ०५:३५ बजेको समयमा बीरगंज महानगरपालिका वडा नं. ०९, स्थित पानगली बाट लाखौं मूल्य बराबरको पिक अप सहित विभिन्न किसिमका कपडाहरु आफ्नो नियन्त्रणमा लिएको छ ।
उक्त दिन त्यहाँ बाट सशस्त्र प्रहरी नायब उपरीक्षक पुरुषोत्तम भण्डारीको कमाण्डमा खटिएको ०९ जनाको गाडी मोबाइल टोलीले भारत बाट अबैध रुपमा भन्सार छली लुकाई छिपाई नेपालमा ल्याई ना. ४ च ६३७९ नम्बरको पिक अप गाडिमा लोड गरिरहेको अवस्थामा अन्दाजी मुल्य रु. १४ लाख ४९ हजार ८ सय बराबरको कपडा र जुता तथा अन्दाजी मुल्य रु. २० लाख बराबरको पिक अप गरि जम्मा मुल्य रु. ३४ लाख ४९ हजार ८ सय बराबरको कपडा बोलेरो गाडि छाडि ब्यक्तिहरु भागी गएको हुँदा उक्त बोलेरो पिक अप र कपडाहरु नियन्त्रणमा लिई आवश्यक कारबाहीको लागि बीरगञ्ज भन्सार कार्यालयमा बुझाइएको छ ।
यसै गरी सोही गुल्म बाट खटीएको अर्को टोलीलेबीरगञ्ज महानगरपालिका का बिभिन्न ईलाका बाट रु. २ लाख १६ हजार ५ सय ५० बराबरको कपडा,किराना सामानहरु र खसी नियन्त्रणमा लिई आवश्यक कारबाहीको लागि बीरगञ्ज भन्सार कार्यालयमा बुझाईएको छ ।
साथै सशस्त्र प्रहरी बल नेपाल प्रस्तावित सीमा सुरक्षा गुल्म, अलौ बाट खटिएको टोलीले बिरंगज म.न.पा. १७ अलौ चौक बाट रु. १ लाख ४१ हजार ९ सय ३० बराबरको मोटरसाईकल सहित किरानाका सामान नियन्त्रणमा लिई बीरगंज भन्सार कार्यालयमा बुझाईएको कुरा सशस्त्र प्रहरी बल नेपाल नं. १३ गण मुख्यालय, पर्सा का सूचना अधिकारी सशस्त्र प्रहरी नायब उपरीक्षक सुरज कार्की ले बताएका छन् ।
