दीपेन्द्र प्रजापति/कालो झोला ।
बीरगंज, ३१ भदौ । सशस्त्र प्रहरी बल नेपाल नं १३ गण मुख्यालय, पर्सा बाट खटीएको टोलिले सोमबार बीरगंज महानगरपालिका वडा नं. १५ स्थित रहेको प्रतिमा चोकबाट भन्सार छलि ल्याई बिभिन्न सार्वजनिक सवारी साधन (बस) हरुमा लोड गरी लुकाई छिपाई काठमाण्डौ तर्फ लैजादै गरेको रु. ११ लाख ५८ हजार ७ सय ७० बराबरको खजुर, कपडा तथा बिभिन्न किसिमका ईलेक्ट्रोनिक्स सामनहरु बरामद गरी आवश्यक कारवाहिको लागि बिरगंज भन्सार कार्यालयमा बुझाएको छ ।
यसै गरी आजै सशस्त्र प्रहरी बल नेपाल प्रस्तावित सीमा सुरक्षा गुल्म, बिरगंज बाट खटीएको टोलीले रु. १ लाख ३० हजार बराबरको भन्सार छलीका सामान बिरगंज भन्सार कार्यालयमा बुझाएको छ ।
यसै गरी सोहि गुल्म बाट खटीएको टोलीले प्रज्ञापन पत्र एवं सुबिधा पास समेत नभएको MP 04 CK 7441 नंबरको भारतिय सवारी साधन कारलाई बीरगंज महानगरपालिका वडा नं. १६, भन्सार मेन गेट नजिक बेवारिसे अवस्थामा पार्किङ् गरी राखेको अवस्थामा नियन्त्रणमा लिई मुल्य रु. ४० लाख भन्सार मुल्याङ्कन गरी आवश्यक कारवाहिको लागि बिरगंज भन्सार कार्यालयमा बुझाएको छ ।
साथै आजै नै सशस्त्र प्रहरी बल नेपाल प्रस्तावित सीमा सुरक्षा गुल्म, बिरगंज बाट खटीएको चेक प्वाइन्ट डिउटी टोलीले बिरगंज महानगरपालिका वडा नं. १६, भन्सार मेन गेट स्थित चेकप्वाईन्ट बाट भारत बाट नेपाल तर्फ आउदै गरेको ना ५४ प ९६८४ नम्बरको मोटरसाइकल लाई शंका लागि चेक जाँच गर्दा उक्त मोटरसाइकल मा सवार बीरगंज महानगरपालिका वडा नं. ०२ बस्ने अन्दाजी बर्ष ५० को पुरुष र सोही ठाउँ बस्ने अन्दाजी बर्ष ४५ की महिलाले झोला र कम्मरमा लुकाई छिपाई बिरगंज तर्फ ल्याउदै गरेको श्रोत नखुलेको नेपाली रुपैया रु. ८ लाख भेटिएकोले उक्त नगद सहित मोटरसाइकल को रु. २ लाख मूल्यांकन गरि ब्यक्तिहरु समेत लाई नियन्त्रणमा लिई आवश्यक कारवाहिको लागि बिरगंज भन्सार कार्यालयमा बुझाएको कुरा सूचना अधिकारी प्रहरी नायब उपरीक्षक देबेन्द्र सिंह ले बताएका छन् ।
