सुनसरी- १ मा श्रम संस्कृति पार्टीका अध्यक्ष हर्क साम्पाङले अग्रता बढाएका छन् ।
प्राप्त पछिल्लो मत गणना अपडेट अनुसार साम्पाङले ३३ हजार ५६५ मतसहित अग्रता बनाएका छन् । त्यस्तै रास्वपाकी गोमा तामाङले २० हजार २३७ मत प्राप्त गरेकी छन् । साम्पाङले हालसम्म १३ हजार ३२८ मतले अग्रता बनाएका छन् ।
त्यस्तौ नेकपाका सुर्य बहादुर भट्टराईले ५ हजार ५८९ मत पाएका छन् भने नेकपा एमालेका टिकाराम लिम्बुले ४ हजार ८४९ मत प्राप्त गरेका छन् ।
सुनसरी १ मा अहिलेसम्म गणना भएको मत मध्ये ७० हजार ३४४ मत सदर भएको छ भने ३ हजार ५०७ मत बदर भएको छ ।
यस क्षेत्रका धरान उपमहानगरपालिका र बराह क्षेत्र नगरपालिकाका १, २ र ३ को मत गणना सकिएको छ भने अब बराहक्षेत्रको वडा नम्बर ४ र ५ तथा रामधुनी नगरपालिकाका वडा नम्बर ६ र ७ को गणना हुन बाँकी रहेको छ ।
