दीपेन्द्र प्रजापति/कालो झोला ।
बीरगंज, १२ चैत । सशस्त्र प्रहरी बल नेपाल सीमा सुरक्षा गुल्म मुख्यालय, बीरगंज ले बिहीबार दिउँसो करिब ०३:३० बजेको समयमा बीरगंज महानगरपालिका वडा नं. १६, भन्सार मेनगेट बाट श्रोत नखुलेको लाखौं रकम सहित मोटरसाईकल तथा एक जना मानिसलाई आफ्नो नियन्त्रणमा लिएको छ ।
आज त्यहाँ बाट खटिएको सशस्त्र प्रहरी सहायक निरीक्षक मोहमद मुस्ताक अलीको कमाण्डमा सात जनाको चेक प्वाईट टोलीले बिषेश सुचनाको आधारमा भारत बाट नेपाल तर्फ आउँदै गरेको ना. २ प ९५८७ नम्बरको हिरो होण्डा मोटरसाईकललाई चेक जाँच गर्ने क्रममा मोटरसाइकल चालक जिल्ला वीरगंज महानगरपालिका वडा नं. ०८, गहवा बस्ने अन्दाजी वर्ष ४४ को अनिल कुमार शाहले मोटरसाईकलको सिट कभर मुनि प्लास्टिकमा प्याक गरी लुकाई छिपाई ल्याउँदै गरेको अवस्थामा नेपाली रुपैयाँ १ हजार दरको नोट ९ सय थान अर्थात् ९ लाख नेपाली नगद र मोटरसाइकल सहित उक्त व्यक्तिलाई नियन्त्रणमा लिई आवश्यक कारबाहीको लागि आजै बिरगञ्ज भन्सार कार्यालय, पर्सामा बुझाइएको कुरा सशस्त्र प्रहरी बल नेपाल नं. १३ गण मुख्यालय, पर्सा का सूचना अधिकारी सशस्त्र प्रहरी नायब उपरीक्षक मोहन निरौलाले बताएका छन् ।
