दीपेन्द्र प्रजापति/कालो झोला ।
बीरगंज, १५ कार्तिक । हिन्दी साहित्यका प्रख्यात कवि, लेखक र शिक्षाविद् पद्मश्री विभुषित रामदरश मिश्रको १ सय १ वर्षको उमेरमा शुक्रबार दिल्लीमा निधन भएको छ ।
दिवंगत मिश्रा आधुनिक हिन्दी साहित्यका एक उच्च व्यक्तित्व थिए, जो ग्रामीण जीवनसँगको गहिरो सम्बन्ध झल्कने कृतिहरूका लागि परिचित उनी जसमा ‘मैं तो यहाँ हूं’ कविता संग्रह समावेश थियो जसले उनलाई प्रतिष्ठित सरस्वती सम्मान प्रदान ग¥यो ।
जीवनकाल साहित्य र शिक्षामा उनको अतुलनीय योगदानको कदर गर्दै उनलाई भारतको चौथो सर्वोच्च नागरिक पुरस्कार पद्मश्रीबाट सम्मानित गरिएको थियो । उनको निधनले आधुनिक हिन्दी सहित्य क्षेत्रमा अपुरणिय क्षति पुगेको छ ।
यसैबीच सार्क पत्रकार मञ्च (एसजेएफ ) केन्द्रीय समितिले प्रख्यात साहित्यकार मिश्राको निधनमा शोक सन्देश जारी गरेको छ । सो शोक सन्देशमा उनको निधनले सार्क क्षेत्रको साहित्यको विकासमा अपुरणिय क्षति पुगेको उल्लेख छ ।
सार्क पत्रकार मञ्च केन्द्रीय अध्यक्ष राजुलामा र महासचिव अब्दूर रहमानद्वारा जारी शोक सन्देशमा स्व मिश्राको निधन प्रति गहिरो शोक र हार्दिक समवेदना प्रकट गर्दछ ।एसजेएफ केन्द्रीय समितिका कार्यकारी सदस्य, प्रोफेसर स्मिता मिश्रा, दिवंगत कविकी छोरी हुन् । ‘कुनै शब्दले साँच्चै दुःख व्यक्त गर्न नसके पनि जीवनको एक शताब्दी पार गर्ने साहित्यिक आइकन राम दरश मिश्राजीलाई हार्दिक श्रद्धाञ्जली ।
हामी यस कठिन समयमा प्रो. स्मिता मिश्रा र सम्पूर्ण परिवारप्रति गहिरो समवेदना व्यक्त गर्दछौं । उनको आत्माले शान्ति पाओस्’–शोक सन्देशमा उल्लेख छ ।
सार्क पत्रकार मञ्चले सम्मानित भारतीय हिन्दी कवि, लेखक र शिक्षाविद् पद्मश्री राम दरश मिश्राको निधनमा गहिरो दुःख व्यक्त गरेको छ । सार्क पत्रकार मञ्च अध्यक्ष राजु लामा र महासचिव अब्दुर रहमानले शिक्षाविद् पद्मश्री राम दरश मिश्राको निधनमा गहिरो दुःख व्यक्त गर्दै शोकसन्तप्त परिवारप्रति हार्दिक समवेदना व्यक्त गरेका छन्।
संयुक्त विज्ञप्तिमा, दिवंगत साहित्यकार प्रति श्रद्धाञ्जली अर्पण गर्दै भनिएकोछ–‘राम दरश मिश्रको निधनले हिन्दी साहित्यमा एक युगको अन्त्य भएको छ ।
सात दशकभन्दा बढी समयदेखिको उनको योगदानले भारत र सम्पूर्ण सार्क क्षेत्रको साहित्यिक परिदृश्यमा अमिट छाप छोडेको छ । हामी यस क्षतिबाट गहिरो दुःखी छौं र उनकी छोरी, प्राध्यापक स्मिता मिश्रा (केन्द्रीय समिति कार्यकारी सदस्य) र परिवारका सबै सदस्यहरूप्रति गहिरो समवेदना प्रकट गर्दछौं । उनको आत्माले अनन्त शान्ति पाओस् ।
