दीपेन्द्र प्रजापति/कालो झोला ।
बीरगंज, १२, माघ । भारतको महावाणिज्य दूतावास, बीरगंज द्वार आफ्नो परिसर भित्र आज भारतको ७७ औं गणतन्त्र दिवस समारोहको आयोजना गरेको थियो । कार्यक्रमको सुरुवात महावाणिज्यदूत डी. एस. मीनाले राष्ट्रिय झण्डा फहराएर गर्नु को साथै भारतको राष्ट्रपति द्वारा पठाईएको सन्देश पनि वाचन गर्नु भएको थियो ।
कार्यक्रममा विशेष शिक्षा विद्यालय सहित १२ वटा विभिन्न विद्यालयका विद्यार्थीहरूले सांस्कृतिक प्रस्तुति गरेका थिए । उनीहरूको मनमोहक प्रस्तुतिले दर्शकहरूलाई मोहित बनाएको थियो र देश भक्तिको उच्च भावना सहित मनोरञ्जन प्रदान गरेका थिए ।
उक्त कार्यक्रममा बीरगंज महानगरपालिका का मेयर राजेशमान सिंह, पूर्व केन्द्रीय मन्त्री, प्रमुख जिल्ला अधिकारी, सहायक प्रमुख जिल्ला अधिकारी, प्रहरी उपरीक्षक, सशस्त्र प्रहरी बलका उपरीक्षक, बीरगंज उद्योग वाणिज्य संघका प्रतिनिधिहरू, नेपाल-भारत उद्योग वाणिज्य संघका प्रतिनिधिहरू, कविहरु, स्थानीय व्यापारीहरू, नेपाल-भारत मैत्री संघका प्रतिनिधिहरू, विद्यालयका प्रधानाध्यापक र शिक्षक/शिक्षिका, विद्यार्थीहरू आदि लगायत विभिन्न क्षेत्रका लगभग ५ सय जना भन्दा बढीको उपस्थित रहेको थियो ।
गणतन्त्र दिवस समारोह बाहेक, वाणिज्य दूतावास परिसर भित्र भारतको राष्ट्रिय गीत “वन्दे मातरम्” को १५० औं वार्षिकोत्सव अन्तर्गत राष्ट्रीय गीत प्रदर्शनी पनि आयोजना गरिएको थियो ।
प्रदर्शनीमा विशेष गरी स्कूलका विद्यार्थी तथा शिक्षक / शिक्षिकाहरू लगायत आम जनमानसहरुको पनि उल्लेखनीय उपस्थिति रहेको थियो ।
