दीपेन्द्र प्रजापति/कालो झोला ।
बीरगंज, १६ भदौ । जिल्ला प्रहरी कार्यालय, पर्सा ले विशेष सूचनाको आधारमा शुक्रबार साँझ करिब ०६:३० बजेको समयमा वीरगञ्ज महानगरपालिका वडा नं. २५, चण्डाल चोक स्थित सडक खण्ड बाट विल बिजक भन्दा बढीको कपडा लोड रहेको दुई वटा मालवाहक ट्रकहरुलाई आफ्नो नियन्त्रणमा लिई राजश्व अनुसन्धान कार्यालय, पथलैया, बारा मा बुझाइएको छ ।
उक्त दिन ग. १ ख ६७५५ र ना. ४ ख १९९३ नम्बरको मालबाहक ट्रकहरू को साथमा रहेको विल विजक भन्दा बढीका कपडाहरू लोड गरी वीरगञ्ज बाट काठमाण्डौ तर्फ लैजाँदै गरेको अवस्थामा त्यहाँ बाट खटिएको प्रहरी टोलीले उल्लेखित नम्बरहरूको मालबाहक ट्रकहरू नियन्त्रणमा लिइ अंदाजी मूल्य रू. ९४ लाख ९१ हजार ९ सय ७४ बराबरको कपडाहरू थप अनुसन्धान तथा आवश्यक कारवाहीको लागि आईतबार राजस्व अनुसन्धान कार्यालय, पथलैया, बारा मा बुझाइएको कुरा सूचना अधिकारी प्रहरी नायब उपरीक्षक सुवास भट्ट ले बताएका छन् ।
