दीपेन्द्र प्रजापति/कालो झोला ।
बीरगंज, २७ भदौ । जिल्ला प्रहरी कार्यालय, पर्सा ले बुधबार राति करिब १०:१५ बजेको समयमा बीरगंज बस पार्कको एक होटल बाट एउटा बंगलादेशी नागरिकलाई आफ्नो नियन्त्रणमा लिएको छ ।
चाँड पर्वलाई लक्षित गरी उक्त राति वीरगञ्ज स्थित रहेका होटलहरूको चेक जाँच गर्ने क्रममा वीरगञ्ज महानगरपालिका वडा नं. १६, बसपार्क स्थितमा रहेको आर्यन होटल एण्ड लजको कोठा नं. २०२ मा बंगलादेश बस्ने अमिन सरिफको बर्ष २९ को महम्मद सहादत हुसेन सिलेट होबीगंज होल्डिङ नं. ७७७ भएको बंगलादेशी नागरिकलाई फेला पारी सोधपुछ गर्दा निजको साथमा पासपोर्ट भिसा लगायत आवश्यक कागजपत्रहरू नरहेको हुँदा पक्राउ गरी आवश्यक कारवाहीको लागी अध्यागमन कार्यालय, वीरगञ्ज, पर्सामा बुझाइएको कुरा आज सूचना अधिकारी प्रहरी नायब उपरीक्षक दीपक भारति ले बताएका छन् ।
