दीपेन्द्र प्रजापति/कालो झोला ।
बीरगंज, १५ असोज । जिल्ला प्रहरी कार्यालय, पर्सा ले विशेष सूचनाको आधारमा सोमबार राति करिब १०:३० बजेको समयमा करोडौं मूल्य बराबरको विभिन्न सामग्रीहरू लोड रहेको दुई वटा मालवाहक ट्रकहरुलाई आफ्नो नियन्त्रणमा लिएको छ ।
उक्त राति वीरगञ्ज महानगरपालिका वडा नं. १६, नगवा स्थित सडक खण्ड बाट ना. ५ ख ५५४२ र बा. प्र. ०३-००१ ख १६५५ नम्बरको मालबाहक ट्रकहरू साथमा रहेको विल विजक भन्दा बढीका औषधी तथा खाद्यान्न लगायतका मालबस्तुहरू लोड गरी वीरगञ्ज बाट बाँके तथा चितवन तर्फ लैजाँदै गरेको अवस्थामा त्यहाँ बाट खटिएको टोलीले उल्लेखित नम्बरहरूको मालबाहक ट्रकहरू नियन्त्रणमा लिइ अंदाजी मूल्य रू. १ करोड ६७ लाख १९ हजार ४ सय बराबरका खाद्यान्न तथा औषधी लगायतका मालबस्तुहरू थप अनुसन्धान तथा आवश्यक कारवाहीको लागि मंगलबार राजस्व अनुसन्धान कार्यालय, पथलैया, बारामा बुझाइएको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
