दीपेन्द्र प्रजापति/कालो झोला ।
बीरगंज, २६ असार । तराई–मधेस क्षेत्रमा जलवायु परिवर्तनको प्रतिकूल असरस्वरूप परेको खडेरीका कारण स्थानीय बासिन्दाहरूले अत्यन्तै पीडा र अभाव भोग्न बाध्य भएका छन् ।
यस समस्याको यथार्थ स्थिति बुझ्न र समाधानको उपाय अवलम्बन गर्न संघिय सरकार का खानेपानी मंत्री प्रदीप यादव विगत तीन दिनदेखि पर्सा जिल्लाका विभिन्न खानेपानी प्रभावित क्षेत्रहरूको निरन्तर अनुगमन तथा निरीक्षणमा जुटिरहेको छन् ।
आज वीरगंज महानगरपालिका वडा नं. ०२ अन्तर्गतका छपकैयाँ, घुसुकपुर लगायतका क्षेत्रहरूमा बिहानैदेखि स्थलगत अवलोकन गर्दै यहाँको खानेपानी संकटबारे प्रत्यक्ष जानकारी लिएका छन् ।
तत्काल समस्या समाधानका लागि सम्बन्धित सरोकारवालाहरूसँग आवश्यक छलफल प्रारम्भ भइसकेको तथा म दीर्घकालीन रूपमा पनि समाधान सुनिश्चित गर्न प्रतिबद्ध रहेको बताएका छन् ।
स्थानीय तहसँग सहकार्य गर्दै स्रोत परिचालन, दीर्घकालीन योजना निर्माण तथा रणनीति तय गर्ने कार्यमा मेरो पहल निरन्तर जारी रहने पनि बताएका छन् ।संकटको घडीमा म सधै जनताको साथमा छु र रहनेछु ।
