-दीपेन्द्र प्रजापति/कालो झोला।
बीरगन्ज, ०७ श्रावण । गरीब जेहन्दार विद्यार्थीलाई वार्षिक छात्रवृत्ति र गम्भीर विरामीलाई उपचारमा आर्थिक सहयोग उपलब्ध गराउन बीरगन्जका एक चित्रांश परिवारले चित्रगुप्त समिति बीरगन्जलाई अक्षयकोष को लागि ५ लाख ५ हजार उपलब्ध गराएका छन् ।
आफ्नो मृतक भाइ सुर्य मोहन लालको चिर स्मृतिमा बीरगन्ज महानगर पालिका वडा न ३ का सुशील कुमार लाल , गगन मोहन लाल ,अजित मोहन लाल र खड्ग मोहन लालले चित्रगुप्त समिती बीरगन्जलाई अक्षयकोष को लागि ५ लाख ५ हजार रुपैया उपलब्ध गराएका हुन । एक सडक दुर्घटनामा केही वर्ष अधि सुर्यमोहन लाल को मृत्यु भएको थियो ।
बुधबार दाता परिवारको तर्फबाट गगन मोहन लालले चित्रगुप्त समिति बीरगन्जका अध्यक्ष महेश दासलाई ५ लाखको चेक हस्तान्तरण गर्नु भयो । स्वर्गीय सुर्यमोहन लाल भतिजो मनिष सुमनले अविवाहित काकाको अंशको रुपैया काकाको चिरस्मरण को लागि अक्षयकोष स्थापना गरि चित्रगुप्त समिति मार्फत गरीब जेहन्दार विद्यार्थीलाई वार्षिक छात्रवृत्ति र गम्भीर विरामीलाई उपचारमा आर्थिक सहयोग उपलब्ध गराउन ५ लाख ५ हजारको चेक हस्तान्तरण गरिएको बताए ।
दाता परिवारबाट प्राप्त रकमबाट आर्थिक रुपमा विपन्न जेहन्दार विद्यार्थीलाई बार्षिक रुपमा छात्रवृत्ति दिइने तथा अति आवश्यक विरामीलाई औषधि उपचारमा आर्थिक सहयोग प्रदान गरिने समितिका अध्यक्ष महेश दासले बताए ।
