काठमाडौँ । नेपाली कांग्रेसको शुभेच्छुक संस्था सेन्टर फर डेमोक्रेटिक इञ्जिनियर्स (सिडेन) को अध्यक्षमा रविभूषण झा निर्वाचित भएका छन् ।
संस्थाको शनिबार भएको आठौं अधिवेशनले झाको नेतृत्वमा नयाँ नेतृत्व चयन गरेको हो । झाले अध्यक्षका उम्मेदवार धनेन्द्र केसीलाई पराजित गरेका हुन् । पार्टीको संस्थापन पक्षबाट अध्यक्षको उम्मेदवारबाट बनेका झाले १३१५ मत प्राप्त गरेर विजयी भए भने उनका प्रतिष्पर्धी केसीले १००२ मत पाएको निर्वाचन समितिले जानकारी दिएको छ ।
नवनिर्वाचित कार्यसमितिमा अधिकांश संस्थापन पक्षका रहेका छन् । जसमा उपाध्यक्षमा निर्वाचित मदन पुरी, महासचिवमा सुदर्शन शर्मा, उपमहासचिवमा खगेन्द्र अवस्थी निर्वाचित भए भने कोषाध्यक्षमा रस्मिता बञ्जारा विजयी भएकी छन् ।
