काठमाडौँ । संयुक्त राष्ट्रसंघको आव्हानमा शान्ति स्थापना कार्यको लागि सेन्ट्रल अफ्रिकन रिपब्लिकमा तैनाथ युनाइटेडनेसन्स मल्टीडायमेन्सनल इन्टिग्रेटेड स्टेबिलाइजेसन मिसन इन द सेन्ट्रल रिपब्लिकमा सहभागी सैनिक प्रहरी युनिट (शान्ति सेना) दशौँ डफ्फालाई बदली गर्नको लागि सैनिक प्रहरी युनिट (शान्ति सेना) एघारौँ डफ्फाका ७१ जना शान्ति सैनिक मिसन इलाका प्रस्थान गरेका छन् ।
उक्त मिसनमा आफ्नो कार्यकाल सम्पन्न गरेका नेपाली शान्ति सैनिकहरू भाद्र १५ गते नै स्वदेश फिर्ता भएको नेपाली सेनाले जनाएको छ । हाल उक्त मिसनमा नेपाली सेनाका १२३९ जना शान्ति सैनिकहरु कार्यरत रहेको नेपाली सेनाले जानकारी दिएको छ ।
