काठमाडौँ । अख्तियार दुरुपयोग अनुसन्धान आयोगले रौतहटको श्री जय किसान माध्यमिक विद्यालय धरहरीका प्रधानाध्यापक संजय प्रसादलाई ४ लाख ५० हजार घुससहित पक्राउ गरेको छ ।
अख्तियारले विद्यालयमा शिक्षक आवश्यकता भनी खुलाएको विज्ञापनमा सेवाग्राहीले रितपूर्वक दर्खास्त दिएकोमा प्रधानाध्यापक संजयले शिक्षक नियुक्तिका लागि बिचौलिया अरविन्द प्रकाश साहकानु मार्फत ४ लाख ५० हजार घुस रकम लिएको अवस्थामा पक्राउ गरेको हो ।
घुस रकम लिइसकेको अवस्थामा प्रधानाध्यापक संजय प्रसाद र साहकानुलाई उक्त रकमसहित जिल्ला पर्सा, बिरगंज महानगरपालिका-१३ अदालत रोडस्थित होटलबाट शुक्रबार नियन्त्रणमा लिई थप अनुसन्धान गरिरहेको अख्तियारले जनाएको छ ।
