दीपेन्द्र प्रजापति/कालो झोला ।
बीरगंज, १२ कार्तिक । वडा प्रहरी कार्यालय, श्रीपुर ले विशेष सूचनाको आधारमा Gen-Z आन्दोलनको क्रममा नख्खु कारागार बाट भागेको कैदीलाई आफ्नो नियन्त्रणमा लिएको छ ।
मंगलबार साँझ करिब ०५:३० बजेको समयमा त्यहाँ बाट खटिएको प्रहरी टोलीले वीरगञ्ज महागरपालिका वडा नं. १०, रानीघाट बस्ने वर्ष ३९ को लालबाबु साहलाई आफ्नै घर बाट पक्राउ गरिएको छ ।
ललितपुर जिल्ला अदालत बाट लागु औषध सम्बन्धि कसूर मुद्दामा २ वर्ष १ महिना कैद र रू.१ लाख ०५ हजार तोकिएका कसूरदार भाद्र २४ गते Generation-Z (Gen-Z) आन्दोलनका क्रममा नख्खु कारागार कार्यालय, ललितपुर बाट फरार पश्चात् आफ्नै गाउँघर मा लुकी छिपी बस्दै आएको थियो ।
यसरी निजकै घर बाट पक्राउ गरी जिल्ला प्रहरी कार्यालय, पर्सा मा ल्याइ सम्बन्धित कारागार कार्यालयमा पठाइने कार्य भइरहेको कुरा बुधबार सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
