दीपेन्द्र प्रजापति/कालो झोला ।
बीरगंज, १२ मंसिर । जिल्ला प्रहरी कार्यालय, पर्सा ले विशेष सूचनाको आधारमा शुक्रबार बिहान करिब ०९:३० बजेको समयमा वीरगञ्ज महानगरपालिका वडा नं. १६, रजतजयन्ती चौक बाट श्रोत नखुलेको लाखौं रुपैंया सहित एक जना भारतीय नागरिकलाई आफ्नो नियन्त्रणमा लिएको छ ।
उक्त दिन त्यहाँ बाट खटिएको चेकिङ टोलीले चेक जाँच गर्ने क्रममा रजतजयन्ती चोक स्थित सडक खण्डमा मधेश प्रदेश ०३ ०२५ प ९८०७ नम्बरको मोटर साईकलमा सवार भारतको विहार राज्य, जिल्ला मोतीहारी, थाना रक्सौल वडा नं. ०१ बस्ने वर्ष ५३ को सुरेन्द्र साहले उक्त मोटर साईकलको वाँया तर्फको एयर फिल्टर भित्र लुकाइ छिपाइ राखिएको श्रोत नखुलेको नेपाली रू. १ हजारको दरका नोट ७ सय थान रू. ७ लाख, रु. ५ दरका नोट ६ सय थान रु. ३ लाख गरी जम्मा रु. १० लाख रितपूर्वक बरामद गरी उल्लेखित नम्बरको मोटरसाईकल सहित निजलाई नियन्त्रणमा लिइ थप अनुसन्धान कार्य भइरहेको कुरा सूचना अधिकारी प्रहरी नायब उपरीक्षक राजु कार्कीले बताएका छन् ।
