– निर्मल सञ्जेल
दिया त नि भाषण देश भक्तिको ऊ हाम्रो शक्ति बन्यो
निकाल्यो अनि शुकुनी जुक्ति उसले जनताको रक्ति चुन्यो
छर्कियो नी बिचरालाई कोषकोषमा सुखसयल ल्याउछु भनी
जन्मायो अनि नयाँ कौरब पापीले बिचरा रोयो फेरी पनि
छाडेर जाँउ कहाँ जाउ म सीमाना थाहा छैन पनि
रुन्छिन मेरी आमा धुरु धुरु तँ मेरै पुत्र हैनर भनी
सभ्याताकी छोरी मेरी आमा गंगाजल पिउँदै हुर्केकी
सन्तानका रगत अनि सरावले पलपल जिउँदै मरेकी
अब त अघावन हे नर्तकी कुपुत्र हो सक्दिनन् आमा सहन
कैलाशले रोकिदियो गंगाजललाई आमाको गलामा बहन
दुर्गन्ध बनाई पर्यावरण मच्चायौ गढगढी जहाँ पनि
स्वच्छ सफा गंगालाई लुकाउँदैछ कैलाशले तहाँ अनि
– माई नगरपालिका १० इलाम, हाल: गोठाटार काठमाडौ ।
