दीपेन्द्र प्रजापति/कालो झोला ।
बीरगंज, २१ पौष । जिल्ला प्रहरी कार्यालय, पर्सा ले विशेष सूचनाको आधारमा शुक्रबार पर्सा जिल्लाको विभिन्न स्थानहरु बाट श्रोत नखुलेको लाखौं रुपैंया सहित मोटरसाईकल र तीन जना हुँडी कारोबार मा संलग्न मानिसहरुलाई आफ्नो नियन्त्रणमा लिएको छ ।
उक्त दिन त्यहाँ बाट खटिएको प्रहरी टोलीले पर्सा जिल्लाको जगरनाथपुर गाउँपालिका वडा नं. ०३, गडैयाटोल स्थित सडक खण्ड बाट हुण्डी कारोवारीमा संलग्न पर्सा जिल्लाको सखुवा प्रसौनी गाउँपालिका वडा न. ०४, देउरवाना बस्ने क्रमशः वर्ष २२ को पवन कुमार साह, वर्ष ३० को मुस्ताक अन्सारी र वर्ष १९ को रामपुकार पासवान लाई ना.१६ प ३०२० नम्बरको NXG Splender मोटरसाईकल र स्रोत नखुलेको हुण्डीको रकम रु. १० लाख ०२ हजार १० सहित नियन्त्रणमा लिई यस कार्यालयमा ल्याइ निजहरू विरुद्द मुलुकी अपराध संहिता, २०७४ को दफा १२५ को (क) बमोजिम ( हुण्डी सम्बन्धी कारोबार गर्न नहुने ) कसूरमा पर्सा जिल्ला अदालत बाट सात दिनको म्याद थप अनुमति लिइ थप अनुसन्धान कार्य भईरहेको कुरा सूचना अधिकारी राजु कार्कीले बताएका छन् ।
