दीपेन्द्र प्रजापति/कालो झोला ।
बीरगंज, २३ पौष । ईलाका प्रहरी कार्यालय, ठोरी ले विशेष सूचनाको आधारमा विशेष सुचनाको आधारमा गलबार राति करिब १०:०० बजेको समयमा पर्सा जिल्लाको ठोरी गाउँपालिका वडा नं. ०३, ब्रहमनगर हुलाकी सडक खण्ड देखि पश्चिमतर्फ जाने कच्ची सडक खण्डको छेउमा रहेको सोही ठाउँ बस्ने वर्ष ४२ को छिरिङ दोङको काठले बनेको दुई तल्ले घर बाट भारी मात्रामा प्रतिबन्धित लागु औषध गाँजा बरामद गरेको छ ।
उक्त राति त्यहाँ बाट खटिएको प्रहरी टोलीले कानूनी रित पुर्याई खान तलासी गर्दा उक्त घरको माथिल्लो तल्लाको कोठा भित्र निलो प्लाष्टिकले बेरि लुकाइ छिपाइ राखिएको लागु औषध गाँजा जस्तो देखिने पदार्थ ९ सय ५० ग्राम तथा सो घर बाट १५ मिटर उत्तर तर्फ बाझो खेतमा उखुको पातले छोपि रातो रंगको प्लाष्टिकले बेरि लुकाइ छिपाइ राखिएको लागु औषध गाँजा जस्तो देखिने पदार्थ १० पोकामा १ सय ५७ के. जी. फेला परेकोले बरामद लागु औषध गाँजा नियन्त्रणमा लिइ थप अनुसन्धान कार्य भइरहेको कुरा जिल्ला प्रहरी कार्यालय, पर्सा का सूचना अधिकारी राजु कार्कीले बताएका छन् ।
साथै उक्त लागु औषध गाँजा भण्डारण गरी विक्री गर्न राखिएको छिरिङ दोङलाई यस कार्यालय बाट तदारुक्ता का साथ खोज तलास कार्य भइरहेको व्यहोराको जानकारी समेत दिनु भयो ।
