दीपेन्द्र प्रजापति/कालो झोला ।
बीरगंज, ०४ जेष्ठ । वडा प्रहरी कार्यालय, श्रीपुरले विशेष सूचनाको आधारमा आईतबार साँझ करिब ०५:०० बजेको समयमा बैंकिङ कसूरका एक प्रतिवादीलाई आफ्नो नियन्त्रणमा लिएको छ ।
हिजो त्यहाँ बाट खटिएका फैसला कार्यन्वयन टोलीले वीरगञ्ज महानगरपालिका वडा नं. ११ स्थित लुकिछिपि बस्दै आएका पर्सा जिल्ला अदालतको फैसलाले बैंकिङ कसूर मुद्दामा १ महिना कैद र रू.९ लाख २६ हजार जरिवाना तोकिएका फरार प्रतिवादीलाई पक्राउ गरिएको हो ।
पक्राउ पर्नेमा वीरगञ्ज महानगरपालिका वडा नं. ११ बस्ने वर्ष ४५ को प्रमोद कुमार ठाकुरलाई खटिएको प्रहरी टोलीले नियन्त्रणमा लिइ आज पर्सा जिल्ला अदालतमा बुझाइएको कुरा जिल्ला प्रहरी कार्यालय, पर्सा का प्रवक्ता प्रहरी नायब उपरीक्षक हरि बहादुर बस्नेत ले बताएका छन् ।
