दीपेन्द्र प्रजापति/कालो झोला ।
बीरगंज, ०९ पौष । जिल्ला प्रहरी कार्यालय, पर्सा ले विशेष सूचनाको आधारमा Gen-Z आन्दोलनको क्रममा केन्द्रीय कारागार बाट फरार दुई जना कैदी बन्दीहरुलाई मंगलबार आफ्नो नियन्त्रणमा लिएको छ ।
हिजो यस कार्यालय बाट खटिएको प्रहरी टोलीले बारा जिल्लाको विश्रामपुर गाउँपालिका वडा नं. ०५, बस्ने वर्ष २५ को प्रदेशी भन्ने सुदामा पासवानले केन्द्रिय कारागार कार्यालय काठमाण्डौमा कर्तव्य ज्यान मुद्दाका २५ बर्ष कैद भुक्तान गरिरहेकोमा मिति २०८ साल भाद्र २३ गते भएको Generation-Z ( Gen-Z ) आन्दोलनका क्रममा सो कारागार बाट फरार भई हाल लुकीछिपी बस्दै आएकोमा मंगलबार राति करिब ०९:५० बजेको समयमा वीरगञ्ज महानगरपालिका वडा नं. १५, भिष्वा स्थित बाट पक्राउ गरी वीरगञ्ज कारागार कार्यालय, पर्सामा बुझाइएको छ ।
यसै गरी बारा जिल्ला कै परवानीपुर गाउँपालिका वडा नं. ०२ बस्ने वर्ष ३२ को विवेकलाल साह कानुलाई ( मु. द. नं. ०८१-CB-०००१) उच्च अदालत पाटन इजलास हेटौडाको आदेशले रू. ५० हजार धरौटी तिर्न नसकी केन्द्रिय कारागार कार्यालय सुन्धारा ( भद्रगोल ) काठमाण्डौ चलान भएकोमा मिति २०८२ साल भाद्र २४ गते Generation-Z ( Gen-Z ) आन्दोलनका क्रममा सो कारागार बाट फरार पश्चात् लुकीछिपी बस्दै आएको भन्ने सूचना अनुसार यस कार्यालय बाट खटिएको टोलीले मंगलबार दिउँसो करिब ०३:०० वजेको समयमा निजलाई वीरगञ्ज महानगरपालिका वडा न ०४, विर्ता टोल स्थित बाट पक्राउ गरि कारागार कार्यालय वीरगञ्ज, पर्सामा नै बुझाइएको कुरा आज सूचना अधिकारी प्रहरी नायब उपरीक्षक राजु कार्कीले बताएका छन् ।
