दीपेन्द्र प्रजापति/कालो झोला ।
बीरगंज, ११ माघ । पर्सा को पोखरिया नगरपालिकामा शुक्रबार नगर विकास समिति जग्गा एकीकरण आयोजना कार्यालय, पोखरिया मा नगर विकासको सम्बन्ध मा विशेष बैठक तथा छलफल कार्यक्रम सम्पन्न भएको छ ।
छलफलमा रेखांकन तथा प्लौट निर्माणको प्रस्तावित खाका (नक्शा) सम्बन्धमा, किता काट सम्बन्धमा, पोखरिया नगरपालिका वडा नम्बर ०१ मा रहेको सिट नम्बर ११३ को ०१०१ किता नम्बर ३०९ भित्र परेका साबिक नापीका किताहरु व्यक्ति विशेषको नाममा रहेको जग्गाहरुको अधिग्रहण लगायत विभिन्न विषयका प्रस्तावहरुमा छलफल भएको छ ।
नगर अध्यक्ष प्रद्युम्न प्रसाद चौहानको अध्यक्षता मा भएको कार्यक्रममा वडा नम्बर १ को वडा अध्यक्ष प्रमोद गिरी, नगर विकास आयोजना का प्रमुख इंजीनियर सुमित कुमार यादव, जग्गा एकीकरण उपभोक्ता समितिका अध्यक्ष राजू बाबु गिरीको उपस्थिति रहेको थियो ।
यसै गरि नगर विकास समितिका सहजकर्ता हरिनारायण मिश्र, मालपोत कार्यालय, पर्साका प्रतिनिधि रामरेखा प्रसाद चौरसिया, नापी कार्यालय, पर्साका प्रतिनिधि रामप्रमोद राउत तथा जग्गा धनी लगायत कार्यालयका कर्मचारी र सरोकारवालाहरुको उपस्थितीमा छलफल सम्पन्न भएको छ ।
