दीपेन्द्र प्रजापति/कालो झोला ।
बीरगंज, २७ कार्तिक । जिल्ला प्रहरी कार्यालय, पर्सा ले सर्वसाधारणको गुनासोको आधारमा मंगलबार बिहानै करिब ०८:०० बजेको समयमा वीरगञ्ज महानगरपालिका वडा नं. १६, बसपार्क बाट तोकिएको भन्दा बढी भाडा लिने दुई जना मानिसलाई आफ्नो नियन्त्रणमा लिएको छ ।
नयाँ बसपार्कमा सार्वजनिक बस, हाईस तथा सुमोमा सर्वसाधारण यात्रुहरूसंग मापदण्ड विपरीत बढी भाडा लिने गरेको भन्ने सर्वसाधारणले यस कार्यालयमा दिएको सूचनाको आधारमा तत्कालै यहाँ बाट खटिएको प्रहरी टोलीले लामो दुरीको सार्वजनिक सवारी साधन छुटने काउन्टर बाट बीरगंज महानगरपालिका वडा नं. ०९ बस्ने बर्ष ६५ को अशोक गुप्ता तथा वडा नं. १६ बस्ने बर्ष ४० को बिजय साह लाई नियन्त्रणमा लिई यस कार्यालयमा ल्याई निजहरू विरुद्ध थप अनुसन्धान कार्य भैरहेको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
