दीपेन्द्र प्रजापति/कालो झोला ।
बीरगंज, १३ असोज । बिरगंज महानगरपालिका अन्तर्गत पर्ने सिर्सिया नदीमा शनिबार राति आएको बाढीको पानीले बिरगंजको वडा नं. १२ र १६ मा पसेको छ । १ सय ५० जना भन्दा बढी ब्यक्तिलाइ आफन्तकोमा, छिमेकीका घरमा, धर्मशाला र बिद्यालयमा राखिएको छ । राती १:३० बजेसम्म नदीको सतह झन बढेको र उद्दार कार्य जारी रहेको कुरा जिल्ला प्रशासन कार्यालय, पर्सा का प्रमुख जिल्ला अधिकारी दिनेश सागर भूसाल ले बताएका छन् ।
यसै गरी अबिरल वर्षातको कारण शनिबार राति बिरगंज महानगरपालिका वडा नं. ११, श्रीपुर स्थित राधेमाई तथा नयाँ गाउँ ईलाकामा सिर्सिया खोलाको पानिको बहाब बढ्न गई घरहरुमा पानि पसि अन्दाजी ३ फिट जति जम्मा भएको हुँदा उक्त स्थानमा सशस्त्र प्रहरी बल नेपाल नं. १३, गण मुख्यालय, पर्सा बाट सशस्त्र प्रहरी निरीक्षक कपिलराज गिरीको कमाण्डमा आवश्यक बिपद सामग्रिहरु सहित उद्वार टोलि खटिई गई केहि घरहरुबाट सामान सुरक्षित स्थानमा स्थानान्तरण गरेको र सिर्सिया खोलाको आसपासको ईलाकामा बसोबास गर्ने स्थानियहरुलाई सुरक्षित साथ रहनका लागि जनचेतना मुलक सुचना सन्देश प्रवाह गर्न माईकिङ्ग गरेको कुरा सूचना अधिकारी सशस्त्र प्रहरी नायब उपरीक्षक देबेन्द्र सिंह ले बताएका छन् ।
