काठमाडौँ । सर्वोच्च अदालतको आदेश अनुसार फेवातालको पुनः सीमा स्तम्भ गाड्ने काम भइरहेको छ ।
पोखरा महानगरपालिका, गण्डकी प्रदेश र नेपाल सरकारको संयुक्त पहलमा ताल घरमा सीमा स्तम्भहरू गाड्ने काम भएको हो । पोखरा उपत्यका नगर विकास समितिका कार्यालय प्रमुख प्रकाश सुवेदीका अनुसार जेठ १७ गतेदेखि सुरु भएको उक्त कार्य हालसम्म ३६० वटा पिलरहरु गाडिएको जानकारी दिए । बिहीबार फेवातालको भकुन्डे माछा पोखरी क्षेत्रमा पिलर गाड्ने कार्यको पोखरा महानगरपालिकाका प्रमुख धनराज आचार्यले निरीक्षण समेत गरेका छन् भने
निरीक्षणका क्रममा उनले फेवाताल संरक्षणका सम्बन्धमा सर्वोच्च अदालतको आदेशअनुसार महानगरपालिकाले सम्बद्ध निकायहरूसँग समन्वय गरी आवश्यक कार्यहरू गरिरहेको बताए ।
ताल घरमा सीमा स्तम्भ गाड्नको लागि सर्वेक्षक, प्राविधिक, नगर प्रहरी, नेपाल प्रहरी र सशस्त्र प्रहरी बल खटिएको छ । पहिलो चरणमा ताल घरमा सीमा स्तम्भ गाड्ने र दोस्रो चरणमा थप काम सुरुवात गर्ने महानगरपालिकाको योजना रहेको छ । तालको ६।३४३ वर्ग किलोमिटर क्षेत्रफलको चार किल्लामा १०५५ पोलहरू गाडिनेछन् ।
%20सफलतापूर्वक%20सम्पन्न-){kind=link}
