काठमाडौँ । स्पेनका कार्लोस अल्काराजले यूएस ओपन पुरुष सिंगलको उपाधि जितेका छन् । युएस ओपनको फाइनलमा इटालीका यानिक सिन्नरलाई ३-१ ले हराउँदै अल्काराजले उपाधि जितेका छन्।
अल्काराजले ६-२, ३-६, ६-१, ६-४ को सेटले सिन्नरलाई पराजित गरेका थिए । डेढ घण्टाभन्दा बढी समयसम्म चलेको यो खेलमा अल्काराजले आफ्नो तीव्र सर्भिसका साथ सिन्नरलाई पराजित गरेका थिए ।
यो जितसँगै उनी सिन्नरलाई पछाडि छोड्दै विश्व नम्बर एक खेलाडी बनेका छन् । २२ वर्षीय अल्काराजले अहिलेसम्म छ वटा ग्रान्ड स्लाम उपाधि जितेका छन्, जसले गर्दा उनी ब्योर्न बोर्ग पछि यो स्थानमा पुग्ने दोस्रो कान्छो खेलाडी बनेका छन् ।
अमेरिकी राष्ट्रपति डोनाल्ड ट्रम्प पनि यो फाइनल खेल हेर्न आएका थिए । उनको लागि सुरक्षा व्यवस्था मिलाइएको कारण खेल आधा घण्टा ढिलो सुरु भएको थियो । ट्रम्पको उपस्थितिको कारण, रंगशाला बाहिर स्क्यानर सहित अतिरिक्त सुरक्षा उपायहरू अपनाइएको थियो, जसले गर्दा प्रशंसकहरूको लामो लाइन लागेको थियो । उनी पछिल्लो २५ वर्षमा प्रतियोगिता हेर्न आएका पहिलो बहालवाला राष्ट्रपति हुन् ।
