काठमाडौँ । अस्ट्रेलियामा विषालु च्याउ खुवाएर तीन जनाको हत्या गरेकी महिला एरिन प्याटरसनलाई अदालतले आजीवन कारावासको सजाय सुनाएको छ । न्यायाधीश क्रिस्टोफर बेलले सर्वोच्च अदालतमा यो सजाय सुनाएका थिए ।
जुलाई २०२३ मा, प्याटरसनले आफ्ना पूर्व पति साइमनका आमाबाबु डन र गेल प्याटरसनका साथै साइमनकी काकी हेदर विल्किन्सन र उनका पति इयान विल्किन्सनलाई आफ्नो घरमा खाजाको लागि निम्तो दिएकी थिइन् ।
उनले जानाजानी खानामा विषालु च्याउ (डेथ क्याप च्याउ) मिसाएर खुवाएकी थिइन् । यस प्रकरणलाई मशरुम मर्डरको नाम दिइएको थियो ।
११ हप्ताको मुद्दा चलेपछि, निर्णायक मण्डलले प्याटरसनलाई तीन हत्याको दोषी ठहर गर्यो । उनलाई हत्या प्रयासको पनि दोषी ठहराइएको थियो ।
