काठमाडौँ । पाकिस्तानले जारी एशिया कपको सुपर फोरमा श्रीलंकालाई पराजित गरेको छ ।
गएराती सम्पन्न खेलमा पाकिस्तानले श्रीलंकालाई ५ विकेटले पराजित गरेको हो । श्रीलंकाले दिएको १३४ रनको लक्ष्य पछाएको पाकिस्तानले १८ ओभरमा ५ विकेट गुमाउदै लक्ष्य पुरा गरेको थियो । पाकिस्तानको जितमा मोहमद नवाजले ३८ रन, हुसैन हरिसले ३२ र साहिबजादा फरहानले २४ रन बनाएका थिए ।
त्यस्तै श्रीलंकाका वानिन्दु हसरंगा र महीश तिक्क्षनाले २-२ विकेट लिएका थिए ।
यसअघि टस हारेर पहिला ब्याटिंग गरेको श्रीलंकाले २० ओभरमा ८ विकेट गुमाउदै १३३ रन बनाएको थियो । श्रीलंकाका लागि कमिन्दु मेन्डिसले ५० रन बनाएका थिए भने चरिथ असलंकाले २० रन बनाएका थिए ।
त्यसैगरी पाकिस्तानका बलर शाहिन शाह अफ्रिदीले ३ विकेट र हरिस राउफ र हुसैन तलातले २-२ विकेट लिएका थिए ।
यो जितपछि पाकिस्तानको सुपर फोरमा २ खेलमा २ अंक भएको छ भने श्रीलंकाले सुपर फोरमा लगातार दोस्रो हार बेहोरेको छ । श्रीलंकाको फाइनलमा पुग्ने सम्भावना सकिएको छ ।
अब एशिया कपको सुपर फोर अन्तर्गत आज बंगलादेश र भारत खेल्दैछन् ।
