काठमाडौँ । गुल्मीमा जङ्गली च्याउ खाएर एकै घरका ८ जना बिरामी परेका छन् ।
च्याउ खाएर बिरामी पर्नेहरूमा रेसुङ्गा नगरपालिका वडा नम्बर–८ निवासी ६५ वर्षका टोमबहादुर थापा, ६२ वर्षकी दिलकुमारी श्रीस, ३८ वर्षका लक्ष्मण थापा, २९ वर्षका विकास थापा, १० वर्षकी दिपशिखा थापा, १२ वर्षकी बिनिसा थापा, ४२ वर्षकी सिर्जना काउछा र ३९ वर्षकी गीता थापा रहेका छन् ।
रेसुङ्गा सामुदायिक वनबाट ल्याएको जङ्गली च्याउ खाँदा उनीहरू बिरामी परेका थिए । उनीहरूको जिल्ला अस्पताल तम्घास गुल्मीमा सामान्य उपचार पश्चात् थप उपचारको लागी पाल्पा लगिएको जिल्ला प्रहरी कार्यालय गुल्मीले जनाएको छ ।
Tags : जङ्गली च्याउ
