जबरजस्ती करणी गरेको अभियोगमा सुर्खेतबाट पक्राउ

 १९ वर्षीया किशोरीलाई जबरजस्ती करणी गरेको अभियोगमा वीरेन्द्रनगर नगरपालिका-८ खजुरा बस्ने दैलेख भैरवी गाउँपालिका-६ घर भएका ३५ वर्षीय मणिराम गौतमलाई प्रहरीले पक्राउ गरेको छ । 

गौतमले ती किशोरीलाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय सुर्खेतबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।