काठमाडौँ । सूर्यदर्शन बचत तथा ऋण सहकारी संस्था लिमिटेडका पीडितले सहकारीको रकम अपचलनका मुख्य योजनकार जीवी राईलाई पक्राउ गर्न नसक्नुमा सरकारकै हात रहेको आरोप लगाएका छन् ।
सूर्यदर्शन सहकारी बचत पीडित संघर्ष समितिले शुक्रबार पोखरामा पत्रकार सम्मेलन गर्दै सरकार नै जीवी राईलाई बचाउन लागेको आरोप लगाएका हुन् ।
समितिका अध्यक्ष किरण श्रेष्ठले जीवी राईलाई ल्याउँदा अरु नेता पनि जोडिने डरले सबै दलले जीवीलाई संरक्षण गरेको आरोप लगाएका छन् ।
सरकारले चाहेको खण्डमा भोलि नै जीवीलाई नेपाल ल्याउन सकिने उनले दाबी गरे ।
अध्यक्ष श्रेष्ठले सामाजिक सञ्जालमा आएका कुराहरूले भ्रम छर्न खोजेको स्पष्टीकरण दिए । उनले भ्रम फैलाउने अकाउन्टहरू राष्ट्रिय स्वतन्त्र पार्टीका आधिकारिक पनि भएको र प्रहरीलाई बुझाएको बताएका छन् ।
