काठमाडौँ । अमेरिकाले एच-१ बि भिसाको लागि आवेदन शुल्कमा वृद्धि गरेकै समयमा चीनले नयाँ के भिसा कार्यक्रम ल्याएको छ । यो भिसा विशेष गरी विज्ञान, प्रविधि, इन्जिनियरिङ र गणित क्षेत्रका युवा पेशेवरहरूका लागि ल्याइएको हो ।
चीनले आफ्नो भिसा नियमहरू कडाइ गरिरहेका देशहरूमा रिक्त पदहरू भर्ने लक्ष्य राखेको छ । चीनले अगस्टमा यो निर्णयलाई अनुमोदन गरेको थियो र नयाँ नियमहरू अक्टोबर १, २०२५ मा लागू हुनेछन् । यसले भिसा धारकहरूको लागि थप प्रवेश, लामो वैधता र विस्तारित बसाइ प्रदान गर्नेछ ।
चीनले हालै ७४ देशका नागरिकहरूलाई ३० दिनसम्मको लागि भिसा-मुक्त प्रवेश प्रदान गरेको छ । यो कदम पर्यटन, अर्थतन्त्र र देशको नरम शक्तिलाई बढावा दिनको लागि लिइएको हो । विज्ञहरूले एच-१ बी भिसामा अमेरिकी कदम पछि चीनले यस क्षेत्रमा अवसरहरू खोजिरहेको छ ।
अमेरिकी राष्ट्रपति डोनाल्ड ट्रम्पले एच-१ बी भिसामा बार्षिक ५० गुणा भन्दा बढी शुल्क बढाएर एक लाख डलर पुर्याएपछि अमेरिकामा खासगरी टेक उद्योगमा काम गर्ने विदेशी नागरिकहरुबीच खैलाबैला मच्चिएको छ ।
यसै अवसरमा चीनले अक्टोबर १ देखि लागु हुने गरि के भिसा दिने घोषणा गरेको छ । चिनियाँ समाचार एजेन्सी सिन्ह्वाका अनुसार के भिसा शिक्षा, संस्कृति, विज्ञान र प्रविधि र विजिनेस गतिबिधिका लागि चीनमा आकर्षित गर्न ल्याइएको छ । र यस भिसाले दक्ष जनशक्ति चीनमा गएर काम गर्ने बाटो खोल्ने विश्वास गरिएको छ ।
